Gaixotasun mentalen gaia lantzeko jarraibideak, 2018

Eukeni Acebal, 2018ko martxoaren 22a, Miguel de Unamuno BHI, Bilbao

Klasean aipatu bezela, gaixotasun mentalen gaia zuek, ikasleak, azalduko duzue. Zuek bihurtuko zarete irakasle eta zuen eta zuen klasekideen ikasketa prozesuaren berme eta erantzule. Alde batetik, egokitutako gaian adituak bihurtu behar zarete, eta bestetik, informazio hori igortzeko kapazak.

Lana, beraz, hirukoitza da. Ongi aprobetxatu ezazue apirilaren 9–13tako eskola orduak.

1. pausoa: informazio bilera eta antolaketa

Taldeak eta gaiak atalean azaltzen diren gaiak hartu eta beratan dauden esteketatik abiatu zaitezte. Gaztelaniazko Wikipediako artikuluak dira. Baina ondo erabili itzazue artikuluok. Ikus ezazue artikuluak beste hamaika artikulurekin lotuta daudela; jarrai itzazue esteka horietako batzuk informazioa osotzeko. Askotan, titulu baten azpian “Artículo principal” esaten du, gaia sakonago garatzen den artikulu batera eramango zaituztena. Artikuluaren bukaeran ere, “Referencias” eta “Enlaces externos”-i ezker, informazioa gehiago lortzeko aukera izango duzue.

Wikipediatik at ere informazio pila daukazue. Arazoa, betikoa: fidagarria al da informazio hori. Gai psikologiko eta psikiatrikoei buruz ari garenez gobernuaren eta gobernuaren kanpoko osasun-erakundeen web orrialdeak aztertu ditzakezue. Adibidez: Osakidetzak edo “Confederación de Salud Mental de España”-k baliabide ugari izaten dituzte. Erabili ezazue zuen irudimena!

Bestalde, posible da gaixotasun mentalen bat daukan pertsonarik ezagutzea. Horrela izan ezkero, beraien esperientzia ikertu dezakezue, beti errespetu handiz hurbilduta.

Beti ere, gutxienez, gaixotasun bakoitzaren inguruan ondorengo informazioa eman behar duzue:

  • Jatorria edo etiologia.
  • Prebalentzia.
  • Sintomatologia. Moduak eta bereizitasunak barne.
  • Eguneroko bizitzan daukan eragina.
  • Ezagunak diren pertsonai erreal edo fikziozko kasuen aipamenak, testuinguru moduan. Kasu errealen aipuren bat.
  • Sendabideak eta terapia ohikoenak.
  • Gaixotasunaren araberako bereizitasunak, zuek ekarritakoak.

2. pausua: informazioa hautatu eta soporteren batean jarri

Informazio ugari irakurri ondoren, guzti-guztia erabili ezingo duzuelaz jabetuko zarete, eskolan egingo duzuen esposaketak taldeko 90 min baino ez direlako luzatuko. Beraz, informazioaren alderdi mamitsuenak topatu behar dituzue.

Informazio hori da zuen klasekideei emango diezuna, gaia azaltzerakoan. Baina esaten duzuenaren parte oso txikia gogoratuko dute. Horregatik, apunteak moduko laburpen bat idatz ezazue. Informe hori niri helarazi berrikusi dezadan eta Google Classroom-en bitartez banatuko dugu/duzue. Horretarako, eta taldean hobeto lan egiteko, erabili ezazue Google Documentos.

Nahi izan ezkero, eta beti zuen mezuaren zerbitzuan, aurkezpen bat egin dezakezue. Ez da derrigorrezkoa. Erabiltzekotan, Google Presentaciones erabili, zuen klasearen egunean funtzionatuko duela bermatzeko.

3. pausua: informazioa igorri

Klase bat emango duzue zuen gaia azalduta, eskola ordu bat eta erdi iraungo duena. Hau ez da orain harte egin dituzuen aurkezpen laburren antzekoa. Luzeagoa da, bai, baina askoz ere luzeagoa eta, horregatik, bestelako iharduera bat da, erabat. Kontuz! 12 urtez ikusi dituzue zuen irakasleak lanean, klaseak ematen. Orain daukazue zuen kritika guztien gainetik dagoen lana egiteko aukera! Demostratu iezaguzue zeinen gaizki egiten dugun zuen hobeto eginda!

Oinarria informazioa argi eukitzea da. Eta gero informazioa igortzea entsaiatu beharko duzue, mezu argia, sakona eta 90 minututakoa lortu arte. Bideotxoak edo bestelako materiala erabili dezakezue, baina bakarrik klip-ak, ez zuek ordezkatzen zaituen ezer.

Taldeak eta gaiak

  1. Olatz, Irati eta María.
  2. Mikel M., Uxue, Ane L.: Aldartearen asaldurak
  3. Unai, Ane F., Naia.
  4. Irati A., Sara, Amaia.
  5. Nora, Jone, Saioa. Hasierako asaldurak haurtzaro, pubertasun eta nerabetasunean
  6. Lorena, Irati G., Elena, Irati Z.
  7. Iñigo, Mikel A., Beñat.
  8. Dani, Josu eta Xabier.

Ebaluazioa

Idatzitako dokumentuaren balorazioa eta zuek emandako klasearen balorazioak ustartuko ditut, eta horrekin izango duzue ebaluazioaren emaitza. Ez dut errubrikarik erantsiko lana oso konplexua delako.

Epea

Lana burutzeko apirilaren 9tik 20ra doazen bi klase asteak izango dituzue. 8 klase ordu, beraz. Honi etxean egin beharko duzuen lana gehitu iezaiozue. Horrenbeste denbora daukazuela, sekulako lanak espero ditut, informazio oso, sakon eta landuarekin. Gaixotasun mentalak gai serioa dira, eta horrela trata dezazuela espero dut.

Klaseak ondorengo egutegia errespetatuz emango dituzue, ustekaberik izan ezean. Lan idatzia apirilaren 20an eman behar didazue. Horrela azken orduko zuzenketak egiteko tartea izango duzue.

Eman behar dituzuen klaseen data, taldeka
Taldearen # Klasearen datak
1 Apirilaren 23 eta 25
2 Apirilaren 25 eta 26
3 Apirilaren 27 eta 30
4 Apirilaren 30 eta maiatzaren 2a
5 Maiatzaren 3 eta 4
6 Maiatzaren 4 eta 7a
7 Maiatzaren 9 eta 10
8 Maiatzaren 10 eta 11

Beti bezala, zalantzak nirekin zuzenean edo e.acebal@iesunamuno.net nire posta elektronikoaren bitartez trata ditzazkezue.

Ekin lanari, gogotsu!